Qoyun və mal-qaranın avtomatik sayılması
Sistem dar keçiddən keçən qoyunları və mal-qaranı kamera ilə sayır, yan-yana gedənləri də. Heyvanlar səhər örüşə çıxanda, axşam qayıdanda və ya maşına yüklənəndə baş sayı hesabatda görünür, mübahisəli an videoyazıda qalır.
Nümunə 
Nümunə İtki harada yaranır
- Yüzlərlə heyvanı gözlə saymaq çətindir: sürü sıx keçir, heyvanlar yan-yana gedir və say tez-tez düz çıxmır.
- Sürü çobana təhvil veriləndə, yaylağa qalxanda, qışlağa enəndə, satışda və maşına yükləmədə say üstündə mübahisə düşür.
- İtən, oğurlanan, canavarın apardığı və ya başqa sürüyə qarışan heyvan çox vaxt gec, bir neçə gün sonra növbəti sayımda bilinir.
Gündəlik işdən nümunələr
Səhər örüşə, axşam geri
Məsələn, səhər örüşə 412 qoyun çıxıb, axşam isə 409-u qayıdıb. Üç qoyunun çatmadığından bir neçə gün sonra, növbəti sayımda yox, elə həmin axşam xəbər tutursunuz və onları dərhal axtarmağa başlaya bilərsiniz.
Yaylaq, qışlaq və çoban
Yazda sürünü çobana tapşırırsınız, sürü yaylağa qalxır, payızda isə qışlağa qayıdır. Tövlənin qapısında sürü gedəndə və qayıdanda sayılır: neçə baş getdiyi və neçəsinin qayıtdığı hesabatda görünür. Fərq olsa, çobanla danışanda əlinizdə hesabatdakı iki rəqəm olur.
Alqı-satqı
Qoyun çox vaxt baş hesabı ilə satılır, dana isə min manatdan baha ola bilər. Ona görə sayda bir baş səhv də böyük itkidir. Yükləmə yerinin üstündəki kamera maşına yüklənən və maşından düşən heyvanları sayır. Məsələn, kökəltməyə 40 dana almısınız, maşından isə 39-u düşüb. Bunu maşın getməmiş görürsünüz və satıcı ilə elə orada danışırsınız.
Qırxanda və peyvənd edəndə
Qoyun qırxanlara çox vaxt hər baş üçün pul verilir. Qırxılan qoyunlar keçiddən buraxılanda sistem onları sayır, pulu da hesabatdakı rəqəmlə verirsiniz. Peyvənddə də belədir: neçə heyvanın peyvənd olunduğu hesabatda görünür.
Ümumi örüş
Bir neçə sürü yan-yana otlayanda heyvanlar qarışır. Axşam qayıdan heyvan səhər çıxandan çoxdursa, sürünüzə başqasının heyvanları qoşulub, azdırsa, sizinkilər başqa sürü ilə gedib. Sistem hansı qoyunun sizin, hansının başqasının olduğunu bilmir, amma sayın düz gəlmədiyini göstərir. Sürülər hələ yaxında olanda məsələni həll edə bilərsiniz.
Gecə tövlədə
Gecə kimsə tövlənin qapısını açıb heyvan çıxarıbsa, səhər hesabatda qapıdan neçə baş və nə vaxt keçdiyi görünür, videoda isə nə baş verdiyi. Bunun üçün keçiddə işıq olmalıdır, bunu əvvəlcədən yoxlayırıq.
Sistem nə edir
Yan-yana gedənləri də sayır
Keçiddən bir neçə heyvan eyni anda keçəndə hər biri ayrıca sayılır. Sürünü bir-bir buraxmaq lazım deyil.
Hər keçid ayrıca
Hər tövlə və yükləmə yeri üçün ayrı-ayrı kameralar quraşdırılır, hər birinin sayı hesabatda ayrıca görünür.
Video sübut
Hər rəqəmin videosu var. Sayda fərq olanda həmin anı videoda tez tapırsınız.
Mövcud kameralarla
Çox vaxt fermadakı videomüşahidə kamerası kifayətdir, lazım olsa, keçidin üstündə yenisini quraşdırırıq.
Kamera harada quraşdırılır
- Kamera keçidin və ya qapının üstündə quraşdırılır və heyvanları yuxarıdan görür.
- Ən dəqiq say heyvanlar dar yerdən keçəndə alınır: tövlənin qapısında, maşına yükləmə yerində və ya xüsusi koridorda.
- Kameranın yerini və bucağını keçidinizin videosuna baxıb seçirik.
Bilmək vacibdir
- Açıq otlaqda hər tərəfə dağılmış sürünü bir kadrda saymırıq: heyvanlar biri o birinin arxasında görünməyə bilər. Sayım keçiddə aparılır, heyvanlar onsuz da gündə bir-iki dəfə oradan keçir.
- Gecə də saymaq lazımdırsa, keçiddə işıq olmalıdır, bunu əvvəlcədən yoxlayırıq.
- Fermada toz və palçıq çox olur, ona görə kameranın obyektivini hərdən silmək lazımdır.
- Anasına sıxılıb gedən kiçik quzuları və keçiddə geri dönən heyvanları sistemin necə saydığını əvvəlcə videonuzda yoxlayırıq.
Suallar və cavablar
Sürü tez keçəndə sistem səhv etmirmi?
Heyvanlar keçiddən bir-birinin ardınca keçəndə sistem onları sayır. Dəqiqliyi məhz sizin keçidinizin videosunda yoxlayıb göstəririk. 30 saniyəlik video kifayətdir.
Sistem hansı heyvanın çatmadığını göstərirmi?
Xeyr. Sistem heyvanları sayır, amma onları bir-birindən ayırd etmir. Bunun əvəzinə sayın düz gəlmədiyini elə həmin gün görürsünüz, sürünün keçdiyi anı isə videoda yoxlayırsınız.
Hansı kamera lazımdır?
Çox vaxt adi IP-kamera kifayətdir. Kameranın yerini və bucağını keçidinizin videosuna baxıb seçirik, lazım olsa, yeni kamera quraşdırırıq.
Keçi və başqa heyvanları da saymaq olarmı?
Videonuzu göndərin, sistemin heyvanlarınızı necə saydığını yoxlayıb göstərək. Hər təsərrüfatın keçidi və heyvanları fərqlidir, ona görə əvvəlcə real video ilə yoxlayırıq.
Pulsuz necə sınaya bilərəm?
Keçidin və ya tövlənin qapısının 30 saniyəlik videosunu WhatsApp-a göndərin, sistemin heyvanlarınızı necə saydığını göstərək.